ଗୋଟେ ଚକୋଲେଟ୍ କୁ ଦୁହେଁ ମିଶି ଖାଇବା

ବାସନ୍ତୀ ଲତା ଜେନା

ଚକୋଲେଟ୍ ଅଟଇ ବିଭିନ୍ନ ପ୍ରକାର                           

ଭିନ୍ନ ଭିନ୍ନ ନାମ ତାର 

ସୁନ୍ଦର ଜରିରେ ସଜ୍ଜିତ ହୁଅଇ

ମନ ଲାଖି ଯାଏ ମୋର  l୧l

ଭାଇ ଭଗ୍ନୀ ଆମେ ଦୁହେଁ ମିଶି ଅଛୁ

ସ୍ନେହ ପ୍ରିତି ବନ୍ଧନର

ମମତା ମଧୁର ଆମ ଛୋଟ ଘର

ଏକତାରେ ଭରି ପୁର  l୨l

ଖାଇବା ଜିନିଷ ଘରକୁ ଆସିଲେ

ମା' ଭାଗ କରି ଦ୍ୟନ୍ତି

ଭାଇ ଭଉଣୀକୁ ମିଶି ଖାଇବାକୁ

ଜେଜେମା ବୁଝାଉ ଥାନ୍ତି  l୩l

ପିଲା ବେଳୁ ଆମ ଅଭ୍ୟାସ ହୋଇଛି

ବସି ମିଶି ଖାଇବାକୁ

ବାପା ଆଣିଛନ୍ତି ଚକୋଲେଟ ଗୋଟିଏ

ଦୁହେଁ ମିଶି ଖାଇବାକୁ   l୪l

ଭାଇ ଭଗ୍ନୀ ଆମେ ଚକୋଲେଟ ଖାଇଲୁ

ଦୁହେଁ ମିଶି ଅଧା ଅଧା

ସ୍ନେହର ପରଶ ମିଠା ଆଣି ଦେଲା

ନ ରହିଲା କିଛି ବାଧା   l୫l

ମିଶିକି ଖାଇଲେ ମନ ସ୍ଵଛ ହୁଏ

ତ୍ୟାଗ ଭବ ବଢ଼ି ଥାଏ

ପରୋପକାରରେ ସେବାର ପ୍ରଭାବ

ସ୍ୱତଃ ଆମେ ଆସି ଥାଏ   l୬l

ମିଶିକି ଖାଇଲେ ପ୍ରେମ ବଢ଼ି ଥାଏ

ହୃଦୟ ହୁଏ ନିର୍ମଳ

ଅଳପରେ ମନ ସନ୍ତୁଷ୍ଟ ହୁଅଇ

କଥା ରହେ କାଳ କାଳ  l୭l

ଗାନ୍ଧୀନଗର, ପୋଷ୍ଟ / ଜିଲ୍ଲା : ନବରଙ୍ଗପୁର