ନୂଆଖାଇ

 ଶୀର୍ଷକ... *"ନୂଆଖାଇ"*

*ଶ୍ରୀ ଶରତ ଚନ୍ଦ୍ର ପଣ୍ଡା*

ଶୁଣ ପିଲା ମାନେ ପରବ ଗୋଟିଏ

ଆମ ରାଇଜରେ ଖ୍ୟାତ,,

ଜାଣିଥିଲେ ତମେ ଉପକୃତ ହେବ

କାମେ ଲାଗିବ ନିଶ୍ଚିତ ll...0

ଓଡିଶା ଅଟଇ ଅନ୍ୟତମ ରାଜ୍ୟ

ଆମ ଭାରତ ବର୍ଷର,,

ଆମ ଇତିହାସ ମୋ ଦେଶ ପରିକା

ଅଟଇ ପୁରା ଯୁଗର ll..... ୧

ଆମ ଜାତି ଇତିହାସ ବଖାଣଇ

ଓଡ଼ିଆ ପର୍ବ ପର୍ବାଣୀ

*ନୂଆଖାଇ* ଏକ ଗଣପର୍ବ ବୋଲି

ତା'ମଧ୍ୟରୁ ଅଛୁ ଜାଣି l..... ୨

*ନୂଆଖାଇ* ଅବା *ନବlନ୍ନ* କୁହନ୍ତୁ

ପଶ୍ଚିମ ଅଞ୍ଚଳ ପର୍ବ,,

ନୂଆ ଧାନ ଚାଷୀ ଅମଳ କରିଲେ

ପାଳନ୍ତି ଉଲ୍ଲାସେ ସର୍ବ l..... ୩

*ଭାଦ୍ରଵ ମାସର ଶୁକ୍ଳ ପଞ୍ଚମୀ**ରେ

ପାଞ୍ଜି ପଢ଼ି ରଖି ଚିହ୍ନ,,

*ଶ୍ରୀଗଣେଶ ପୂଜା ପରଦିନ* ପଡ଼େ

ସମୟ ଟି ଏକ ଦିନ ll..... 4

ଶରତ ଋତୁଟି ଉପଯୁକ୍ତ ବେଳା

ଶସ୍ୟ ଅମଳ ର ପରେ,,

*ଇଷ୍ଟଦେବୀଙ୍କୁ* ଯେ ସମର୍ପଣ କରି

ଆନନ୍ଦ ତ ଘରେ ଘରେ l.....୫

ପ୍ରଥମେ *ଲଗନ* ସ୍ଥିର ହୁଏ ପରେ

ଆରିସା ହୁଅଇ ଭୋଗ,,

ଗଣପର୍ବ ନେଇ ପରିବାର ମୁଖ୍ୟ

ସ୍ୱତନ୍ତ୍ର ତାହାଙ୍କ *ଯୋଗ*  l..... ୬

ମୁଖିଆ ହାତରୁ ଅନ୍ନ ପ୍ରାପ୍ତି ପରେ

ପ୍ରଣାମ ଵିଧି ରହିଛି,,

ପୂର୍ବ ମତଭେଦ ଏହି ପର୍ବେ *ଚ୍ଛେଦ*

ଏ ବିଧାନ ଅଛି କିଛି l..... ୭

ଯିଏ ଯହିଁ ଥିବେ ନିକଟେ କି ଦୂରେ

ଆସନ୍ତି ଶ୍ରଦ୍ଧାରେ ଫେରି,,

ଅତ୍ୟନ୍ତ ଦୂରରୁ ନଆସି ପାରିଲେ

*ଦଶରlଷ୍ଟମୀ* ରେ କରି l..... ୮

କଳାହାଣ୍ଡି ଜିଲ୍ଲା ଅନେକ ସ୍ଥାନରେ

*ଭାଦ୍ରଵ ଶୁକ୍ଳ ଦଶମୀ*,,

ପୂର୍ବ ଓଡିଶାରେ ଅlଶ୍ୱିନ ମାସରେ

*ମହାଳୟl* ରେ ଅରମ୍ଭୀ l..... ୯

ଏହା ଭାରତର ବିଭିନ୍ନ ପ୍ରାନ୍ତରେ

*ମୁଳ ବାସିନ୍ଦାଙ୍କୁ* ନେଇ,,

ଗୁଜୁରାଟ, ମୁମ୍ବାଇ, ଚେନାଇ ଓ ଦିଲ୍ଲୀ

ଛତିଶଗଡ଼ ରେ ତହିଁ ll..... ୧o

*ମlଉଳୀ* ଦେବୀଙ୍କୁ ଅନ୍ନ, କ୍ଷୀରି, ପିଠା

ସର୍ବାଗ୍ରେ ଅର୍ପଣ କରି,,

ଏକତ୍ରିତ ବସି ଭୋଜନ କରନ୍ତି

ଭେଟ ଘାଟ ଶେଷେ କରି l.....୧୧

*ଜିଇଁଛୁ ବେଲକେ ଆସି ଭାଏ ବନ୍ଧୁ*

*ହେମା ନୂଆଖଇ ଭେଟ୍,,*

*ସଂସାର ଡୋର୍ ଥି ବନ୍ଧା ହୋଇଥିମା*

*ଗାଁ ଯାକର୍ ହେଇ ମେଂଟ୍ l*..... ୧୨

ନୂଆଖାଇ ପରଦିନ *ବlସି* ବୋଲି

ଏକ ବିଧାନ ରହିଛି,,

ନୂଆଖାଇ ଦିନ ଆଇଁଷ ନ'ଥାଏ

ଏହିଦିନ ଵିଧି ଅଛି l..... ୧୩

 At.. *ନଗୁଆଁ, P. O..ଦରକୁଣ୍ଡି, Dist..ଯାଜପୁର l*